Romario və Stoiçkov həmişə öz aralarında kimin daha yaxşı olduğuna dair müzakirələr apararmışlar. Onların dili ilə desəm, məqsəd klubun bossunu müəyyənləşdirmək imiş...
Günlərin birində məşqçi Yohan Krayf söhbətə müdaxilə edir və komanda daxilində tək söz sahibinin özü olduğunu deyir. Məsələyə futbol-yaş prizmasından baxan ikili hollandiyalının sözlərini gülüşlə qarşılayır. Bunu görən Krayf "problem"i onların üsulu ilə həll etmək qərarına gəlir. Mini-müsabiqə təşkil olunur: hər iki futbolçuya cərimə meydançası xəttinin kənarından 10 zərbə vurmaq haqqı verilir. Şərt sadədi: tiri daha çox dəqiq nişan alan ən yaxşı seçilir. 3:2 - nəticə Romarionun xeyrinə olur. Braziliyalı yenicə sevinməyə başlamış Krayf topun başına keçir və 6 dəfə tirə vurur, sonra da hər ikisinə işləriylə məşğul olmalarını tapşırır. Romario ilə Stoiçkov hollandiyalının bəxti gətirdiyində israr edir. Krayf geri dönür, bu dəfə sol ayağı ilə nişangahı vurur. Mövzu ordaca bağlanır.
P.S. İllər sonra Krayf son zərbənin şans əsəri alındığını etiraf etmişdi.
Hiç yorum yok:
Yorum Gönder